அமைச்சரவை மாற்றத்தை உடனடியாக அமுல்படுத்த வேண்டும் என ஜனாதிபதி தெரிவித்ததாக அரசியல் வட்டாரத் தகவல்கள் தெரிவிக்கின்றன.
ஜனாதிபதியின் நெருங்கிய சகாக்கள் வெளியிட்டுள்ள அரசியல் அறிக்கையிலேயே இவ்வாறு தெரிவிக்கப்பட்டுள்ளதாக லங்கா சீ நியூஸ் செய்தி வெளியிட்டுள்ளது.
குறிப்பாக, பல அமைச்சுக்கள் தொடர்பில் பல முறைப்பாடுகள் கிடைக்கப்பெற்றுள்ளதுடன், அது அந்த அமைச்சுக்களின் செயற்திறன் மற்றும் அமைச்சர்களின் பலவீனம் தொடர்பாகவும் குற்றச்சாட்டுகள் எழுந்துள்ளன.
தேர்தல் நடைபெறவுள்ள நிலையில் ஜனாதிபதியை பலப்படுத்த அனுபவமிக்க அரசியல்வாதிகள் ஜனாதிபதிக்கு தேவைப்படுவதாக அவருக்கு நெருக்கமான தரப்பினர் தெரிவித்துள்ளனர்.
விளையாட்டு, நெடுஞ்சாலைகள், ஊடகம், சுற்றுச்சூழல், துறைமுகம், போக்குவரத்து, மின்சாரம் மற்றும் தொழில்துறை அமைச்சகங்கள் கண்டிப்பாக மறுசீரமைக்கப்படும் என்று எதிர்பார்க்கப்படுகிறது.
ஒரே நேரத்தில் 5 அமைச்சர்கள் பதவிப் பிரமாணம் செய்து கொள்ளவுள்ளதாக அரசியல் வட்டாரங்கள் தெரிவிக்கின்றன.
தற்போது அமைச்சுப் பதவிகளை வகிக்கும் பலர் அமைச்சுப் பதவிகளை இழக்கலாம் எனவும் அரசியல் வட்டாரங்கள் தெரிவிக்கின்றன.
