எதிர்க்கட்சித் தலைவர் சஜித் பிரேமதாச தலைமையிலான எதிர்க்கட்சித் தலைவர்கள் மற்றும் பிரதிநிதிகள் குழு இன்று காலை சபாநாயகர் மஹிந்த யாப்பா அபேவர்தனவை சபாநாயகர் அலுவலகத்தில் சந்தித்தது.
உள்ளூராட்சி சபைத் தேர்தலை நடத்துவதற்கு வரவு செலவுத் திட்டத்தில் இருந்து தேர்தலை நடத்துவதற்கு ஒதுக்கப்பட்ட பணத்தை விடுவிக்க நாடாளுமன்றத்தில் தீர்மானம் நிறைவேற்ற முன்மொழியப்பட்டது.
சபாநாயகர் இதற்கு தனது உடன்பாட்டை தெரிவித்தார்.
தேர்தலுக்கு பணம் விடுவிக்கப்படாதது குறித்து நிதியமைச்சின் செயலாளரை அழைத்து கேள்வி எழுப்ப வேண்டும் என எதிர்க்கட்சித் தலைவர் தெரிவித்தார்.
பாராளுமன்றத்தை உடனடியாக கூட்டுமாறும் எதிர்க்கட்சித் தலைவர் கோரிக்கை விடுத்துள்ளார்.
பாராளுமன்றத்தின் அதிகாரத்தினால் நிறைவேற்றப்பட்ட பண பலத்தை நிறைவேற்று அதிகாரத்தின் மூலம் அடக்கினால் பாராளுமன்றத்தின் நோக்கம் என்ன? என எதிர்கட்சி தலைவர் கேள்வி எழுப்பினார்.
தேர்தல் ஆணைக்குழுவின் 5 உறுப்பினர்களும் இதனை அறிவித்ததாக எதிர்கட்சி தலைவர் தெரிவித்தார்.
சர்வாதிகார பயணத்திற்கு ஜனாதிபதி தயாராகி வருவதாக எதிர்க்கட்சித் தலைவர் குற்றம் சுமத்தினார்.
நாடாளுமன்றத்தின் அதிகாரத்தை குறைமதிப்பிற்கு உட்படுத்த எவருக்கும் உரிமை இல்லை எனவும், இந்த நிலையை மாற்றும் அதிகாரம் சபாநாயகரே எனவும் பேராசிரியர் ஜீ.எல்.பீரிஸ் இதன்போது தெரிவித்துள்ளார்.
மாகாண சபைகள் தற்போது செயலிழந்து விட்டதாகவும், அதிகாரம் ஜனாதிபதியின் பிரதிநிதியிடம் இருப்பதாகவும், எதிர்காலத்தில் உள்ளூராட்சி நிறுவனங்களும் ஜனாதிபதி பிரதிநிதியின் கைகளில்தான் இருக்கும் எனவும் நாடாளுமன்ற உறுப்பினர் டலஸ் அழகப்பெரும தெரிவித்தார்.
இந்த நிலைமையை கருத்திற் கொண்டு நாளை கட்சித் தலைவர்களின் கூட்டத்திற்கு அழைப்பு விடுக்கப்பட்டுள்ளதாகவும் அங்கு எதிர்கால நடவடிக்கைகள் குறித்து தீர்மானிக்க முடியும் எனவும் சபாநாயகர் தெரிவித்துள்ளார்.
சம்பந்தப்பட்ட கட்சித் தலைவர்கள் கூட்டத்திற்கு நிதியமைச்சின் செயலாளரை அழைக்குமாறு எதிர்க்கட்சித் தலைவர் கோரிக்கை விடுத்துள்ளார்.
ஆளும் கட்சி உறுப்பினர்களின் இணக்கப்பாட்டின் அடிப்படையில் தீர்மானம் எடுக்க முடியும் என சபாநாயகர் தெரிவித்துள்ளார்.
ஆனால், நாடாளுமன்றத்தில் நிறைவேற்றப்பட்ட பண ஒதுக்கம் நடைமுறைப்படுத்தப்படாவிட்டால், அதுபற்றி விவாதத்திற்கு அழைக்க சபாநாயகருக்கு உரிமை உண்டு என்று எதிர்க்கட்சித் தலைவர் கூறினார்.
