சுதந்திர சதுக்கத்தத்தில் நடைபெறும் கலாசார நிகழ்ச்சிகள் காரணமாக, இன்று பிற்பகல் 3 மணி முதல் நிகழ்ச்சி முடியும் வரை கொழும்பில் பல வீதிகள் மூடப்படும் என பொலிஸார் தெரிவித்தனர்.
இதன்படி, சுதந்திர அவென்யூ மற்றும் சுதந்திரச் சதுக்க சுற்றுவட்டத்திலிருந்து சுதந்திர சதுக்கத்தை நோக்கிய நுழைவாயில், பவுண்டேசன் வீதியில் இருந்து சுதந்திர சதுக்கத்தின் நுழைவாயில் மற்றும் ஸ்டான்லி விஜேசுந்தர மாவத்தையிலிருந்து சுதந்திர சதுக்கம் மற்றும் பிரேமகீர்த்தி டி அல்விஸ் மாவத்தை மற்றும் ரூபவாஹினி கூட்டுத்தாபனத்திலிருந்து சுதந்திர சதுக்கம் நோக்கிய நுழைவாயில் என்பன மூடப்படும்.
சாலைகள் மூடப்பட்டுள்ள பகுதிகளில் வசிப்பவர்களும், அதிகாரிகளை சந்திக்க பயணிப்பவர்களும் எந்தவித இடையூறும் இன்றி பயணிக்க அனுமதிக்கப்படுவார்கள் என்றும், நிகழ்ச்சி முடிந்தவுடன் சாலைகள் விரைவில் திறக்கப்படும் என்றும் போலீஸார் தெரிவித்தனர்.
