கந்தளாய் பொலிஸ் பிரிவுக்குட்பட்ட பாத்தியாகம பகுதியில் புதையல் தோண்டிய மூவரை நேற்று(16) மாலை கைது செய்துள்ளதாக பொலிஸார் தெரிவித்துள்ளனர்.
வீட்டில் உரிமையாளர் உட்பட மூவரை பொலிஸார் கைது செய்துள்ளனர்.
அப்பகுதியிலுள்ள வீடொன்றினுள் புதையல் தோண்டுவதாக கந்தளாய் புலனாய்வு பிரிவினருக்கு கிடைத்த தகவலையடுத்தே சம்பவ இடத்திற்கு சென்ற போது வீட்டின் சமையலறை பகுதியில் இருபது அடிவரை தோண்டிக்கொண்டிருந்த போதே மூவரை கைது செய்துள்ளனர்.
இதற்கு முன்னரும் அந்த வீட்டில் புதையல் தோண்டிய ஐந்திற்கும் மேற்பட்டோர் கைது செய்யப்பட்டு பிணையில் விடுவிக்கப்பட்டுள்ளதாகவும் பொலிஸார் தெரிவித்துள்ளனர்.
புதையல் தோண்டிய இடத்தில் பெரிய இரும்பு சங்கிலி, தண்ணீர் இறைக்கும் மோட்டார், இரும்புக் கூர், தடுப்பு பொருட்கள் உட்பட பல இரும்பு பொருட்கள் கைப்பற்றியுள்ளதாகவும் சந்தேக நபர்களை தடுத்து வைத்து விசாரணைகளை மேற்கொண்டு வருவதோடு அவர்களை கந்தளாய் நீதிமன்றில் ஆஜர்படுத்த உள்ளதாகவும் பொலிஸார் தெரிவித்துள்ளனர்.
