பாராளுமன்றத்தை பிரதிநிதித்துவப்படுத்தும் அனைத்து கட்சிகளின் தலைவர்கள் கலந்துகொள்ளும் சர்வகட்சி மாநாடு நாளை நடைபெறவுள்ளது
ஜனாதிபதி தலைமையில் நாளை மாலை 4 மணிக்கு ஜனாதிபதி அலுவலகத்தில் இந்த கூட்டம் இடம்பெறும் என அறிவிக்கப்பட்டுள்ளது.
இந்த சர்வகட்சிக் கூட்டத்தில் சபாநாயகர், பிரதமர், எதிர்க்கட்சித் தலைவர், முன்னாள் ஜனாதிபதிகளான மகிந்த ராஜபக்ஷ, மைத்திரிபால சிறிசேன, தமிழ்த் தேசியக் கூட்டமைப்பின் தலைவர் இரா.சம்பந்தன், தேசிய மக்கள் சக்தி தலைவர் அனுரகுமார திஸாநாயக்க ஆகியோர் உட்பட பாராளுமன்றத்தைப் பிரதிநிதித்துவப்படுத்தும் அனைத்து கட்சித் தலைவர்களுக்கும் அழைப்பு விடுக்கப்பட்டுள்ளது
கடந்த டிசம்பர் மாதம் நடைபெற்ற சர்வகட்சி கூட்டத்தின் போது, அதில் பங்குபற்றிய கட்சிகளிடமிருந்து யோசனைகள் பெறப்பட்டிருந்தன.
அவற்றின் முன்னேற்றங்கள் தொடர்பாக நாளைய கூட்டத்தின் போது ஆராயப்படும் என்று எதிர்பார்க்கப்படுகிறது.
